2009-->2010

話咁快又一年啦 le年過得好快 可能 因為人生第一大考驗

>>
會考!! le個考驗對我黎講真係一個好大既挫折 收到份result之後個腦即刻空白一片 仲因為le樣野搞到家姐同ar ma都喊 真係好內疚 如果我係俾心機去讀既話 我信我真係可以考得更加好

>>
今年都係讀緊中五既野 人生第一次repeat 學校由band1轉做band3 轉折都幾大 開頭真係好難適應 因為以前真係下下都有人保 宜家d老師冇個熟 有d連名都唔知 le d事令我明白到 咩叫做失去後才懂得珍惜

>>
9月開始 到宜家 一個月病一次 12月仲要睇左兩次醫生都未好 下半年4個月 睇左5次醫生 身體差到冇人有 今個星期日日個頭都好痛 無論我訓8個鐘定11個鐘 都係咁痛 原因好簡單 晚晚都訓得唔好 再簡單d黎講 咁大個女失眠呀!!-0-


>>
係flk識到一班好好既女仔 咩都講得 亦都見番好多小學同學 =)


>>
學識左整cheese cake 仲好記得 開頭同家姐去買工具個時 一買就買左成600蚊 諗起都覺得誇張 不過mama又冇話d咩wor 佢又幾enjoy食既 我就enjoy整 我真係淨係整 唔知點解次次整完都唔想食bor..

>>
買左本netbook for myself
雖然我淨係俾左3分一價錢 但係擁有者仍然係我 xDD
真係好開心 真係好愛本NETBOOK!!=)
仲有係家姐SPONSOR我部電話 LE兩樣野我好愛呀 !!
今年真係買左好多野 又買左個書包 xDDD

>>
宜家11點7lu 仲有5個字就新一年啦 係新一年代表一個新既開始 我要努力呀 因為le兩日雖然溫既speed唔算太快 至少我入到腦 仲有係 mst既buddies 要keep住呀 雖然我都知一定會架啦
下年話咁快就18歲啦 好似好大個咁 其實我又覺得冇咩分別


今日出左causeway bay度飲茶 出去個時又見到一d好搞笑既事 上次又係le個男仔 今次又係 我媽媽話點解唔叫佢睇下 我話點叫你睇呀 佢係咁望住 佢咪一定知我講佢 -0- 俾人望住真係好唔舒服呀 = = 雖然都ok o者- -
夜晚去左買pizza box食 好好味呀個pizza 仲要好平呀 好抵食 xpp
聽日元旦bbq =)

partner

好想搵一個可以督促我溫書 陪我去自修室呀 點解le個人都好似好難搵架?!

豪呀

哈哈哈 今朝起身用左陣電腦就出去lu 出到TST wa佢地又遲到啦xpp haha 我都遲左架其實 xDDD 第一站係陪淇妹買野 之後去海港城 去到到kiki買即影即有 千幾蚊呀 -0- 不過d菲林機好平 2百幾就有 我仲見到有d機係自己砌 不過好貴 買完去左食芝士撈公 味道唔錯 d豬頸肉幾好食 不過食完有d濟又好似唔係好夠咁 所以就去左油麻地食糖水 個時我地開始影相啦xpp 影影下wa話不如去海傍影 之後就行左去海傍啦 我地狂係到影 勁哂錢 影左30張 淇妹唔要 所以我wa kiki每個人10張 不過真係好好玩呀部野 d相影得好有feel呀 xpp 不過kiki話佢今日係超級開心 所以係值既=)
up下d即影即有先xpp

後悔

尋日去左譚宅 悶死我啦 -0- 早知留番係屋企啦 = = 我應該學ar琳咁stay at home xDDD 完全係淨坐 冇野做 -0- 坐到我好眼訓呢= =







>>



人一大係咪代表個人既性格一定會變呢 但係點解會係變差多過變好 對於一些粗俗了的說話 老實說 我真的有點吃不消 聽下去既感覺係好唔舒服 可能聽得多見得多總會厭煩 關係真的經不起時間的考驗!!

個人抒發 並沒有影射甚麼

A nice day

BBQ with myfamily .. 好enjoy當中既氣氛 表妹既純真 增添不少氣氛 今日係我成個月入面食得最多野既一日 le個月係咁食藥 好似當飯食咁 食到冇哂胃口餐餐淨係食得半碗飯 =0= 有時候一家人一齊食早餐感覺良好 好warm 燒到6點幾先走 係新浪潭係黑哂 巴士都淨番尾班車未開 = = 出到大尾篤 舅母請食雪糕 原來雪糕車既甜筒係好好味架 xpp haha 番到屋企第一時間沖涼 我覺得d煙味好臭 我有少少懷疑我對自己係咪有潔癖 xDDD

口不對心

心想咁做 手卻不是 有點兒埋怨自己 拜託 我總是做不到 無論我有幾的起心肝 個人始終都唔郁


Is it kidding me?!

夜歸

尋日名副其實出夜街 因為我成6點先出門口 一出門口太陽下山了 我明明搭9係去到mk 地鐵站 但係我淨係係月台上去大堂就用左成個幾字 真係超級多人 行到行唔到 上到大堂一樣咁多人 真係好誇張 wa遲到左半個鐘 xDDD 之後同埋kelly去左夏雪度食飯 唔係好貴 3個人都係150 我地食緊既時候 d人真係好鍾意係度行黎行去 -0- 食完都8點半lu 之後同kelly 去買christmas present俾佢朋友仔 行左好多舖頭都冇頭緒 之後係瓊華度買左一對頸鍊 而我就同wa夾份買左份禮物俾朋友 xpp 唔講得 因為要玩驚喜ma xDDD kelly話9點半之內買到 買唔到就出tst啦 點知佢真係係9點半買到 好神奇 xppp 跟住一行3人去左tst 燈飾都冇咩太特別 海港城真係好令 不過超級超級多人 沿住海滂行到新世界中心就過番去半島酒店 半島同舊年一樣 不過我都係覺得唔錯xpp 影完我地就走lu 個時都11點半啦 ..

>>

本身真係諗住搭巴士番 但係搭西鐵半個鐘就番到屋企啦wor 就係咁就行左落去隧道 = = 番到天水圍12點度 真係好快 但係落到去等巴士咁岩走車 要等3個字-0- 但係係le3個字見到好多野 有令仔啦 xpp 有人一落車就咬住自己既手 行去垃圾桶度唔知做咩 有個女人勁好人 見佢漏低左野 拎番俾佢先上番巴士 個個人係咁係自己件衫度唔知搵咩 之後佢拎番個紙袋走人 佢行到就番訓低咁 好似飲醉酒咁 都唔知佢係飲大左定係啪左野 仲之好恐怖 佢行上輕鐵月台 仲要企出yellow line 好似就黎跌左去咁 咁大個人第一次見le d野 但係個個人又要成身西裝 好後生 =0= 有d唔match- - 番到樓下12點半

>>

我好似好naughty呀 xpp 其實我好乖架 xDD

做冬

尋日朝早發生左件好搞笑既事 話說呢 我尋日11點半先係樓下上到車 但係我12點3要去到大埔wor 之後搭到上水之後呢 個度有個避車處 而個巴士個patpat又大得濟wor xpp 霸左半個入口位 咁我諗住冇車入架啦 衝緊過去個時有個私家車駛入黎wor -0- 差d撞埋一齊 嚇到我即刻停左係到 個時有兩個藍帽子企左係度 其中一個見到我咁樣之後 竟然撞下隔離個同僚叫佢望下wor 架私家車又好似想行又好似想俾我過咁wor 咁我緊係即係一枝箭衝左過去啦 走左之後係度諗番真係好樣衰呀 由其係d警察叔叔望住 =0=


>>
我發覺我真係危險人物呀 成日都有le d事發生xppp 但係我又冇事wor

>>
晏就出左佐敦食米線 清湯都唔錯 =) 之後同kiki去新港城同新港中心 睇銀包 不過睇唔岩款 Y-3真係好貴 -0- 睇完4點半 就番ar婆 度啦 我搭左271 諗住映月台有得轉74A啦 點知冇 架架車都唔經舊路 搞到搭番72X 佢停獅子山隧道 74A都停 但我冇落車-0- 搞到搭到去廣福再轉小巴 我哂左5.1呀 -0- 早知唔落車 = =
番到成都差唔多6點lu 唯一一年做冬係咁"多"人 得我地同表妹一家 加埋得11個人 平時係成廿個 唔緊要啦 同表妹玩得好開心 我要同kiki講句 多謝你d曲奇呀 我表妹同舅母都覺得好好食呀 我問表妹要唔要 佢話唔要 之後我拎左塊nuts既俾舅母 點知表妹話我要朱古力 哈哈 好搞笑 後尾我問佢好唔好食 佢話好好味呀 之後我拎塊金磚俾我家姐 佢話我要朱古力xpp 佢食左兩塊 仲要係食得勁快 咁就證明左kiki d曲奇有幾好食啦 =)

強項

星期六日陪ar婆番大陸 星期一先番黎 幾日我都唔係食左好多野 個鼻搞到我冇哂胃口 係咁流鼻水 我係4個鐘頭入面食左兩粒鼻敏感同兩粒傷風感冒藥 都唔識收wor 搞到我就黎抖唔到氣 -0-

ar婆係咁話番黎要睇醫生 最尾尋日朝番左屋企即刻沖涼+洗頭 一出黎成個人輕哂xpp 食埋晏就出左大埔 去搵表妹 新達間海港d野食等左半個鐘有多都未黎 -0- 飲完 ar ma掛號 點知佢話7點先睇到 = = ar ma話早d去到睇下有冇得快d 去到佢話最盡都係將你由48變做42喳 但係個時仲係叫到十幾號-0- 我成8點先睇到 一入去 醫生問我咩事 我話流鼻水 鼻塞加咳 佢話le d都係你既強項黎架啦 我ar ma係度笑我-0- ar ma同醫生講我問佢 點解我有咁多病架 醫生話咁咪要問下你ar ma 啦 點知我ar ma話唔關我事呀 係佢老豆問題喳bor= = 睇完就番屋企lu

The first day of christmas holiday

wow... 我又破左自己個紀錄啦 尋晚10點未夠就訓鬼左 今日成12點半先起身 足足訓左15個鐘=0= 諗起都好驚 點解我可以訓到咁耐架 訓到成個人都好累 唔知點解好想飲茶 本身諗住搵舅母既 不過佢唔得閒 -0- 仲諗住飲唔成 點知ar ma話我未去過太和間美心皇宮度飲過 所以就去左le度飲 價錢上同潮江春差唔多 都估到都幾貴下 所以兩個人可以飲左一百二十幾出黎 le餐茶真係好好味 xppp d野食好好味 難怪mama會話就係貪佢d野乾淨 又幾好味 哈哈 係mama把口出黎 我都唔係好信 佢變啦 xDDD 之後同佢去銀行兌人仔 又同佢買餸 之後去左百佳度行 係咁話要買le樣買個樣 佢自己話要整木槺蛋糕俾表妹ma 所以又買埋材料 d cream好平呀 $47.9有3盒200ml呀 xppp 買左好多野 好多都係食既 -0- 咁就買左二百幾 佢話都係唔好同我出街 張500蚊咁就飛走左 我話" 我洗定黎緊3日個d錢ma 聽日同後日你都見唔到我 咁你咪唔洗 洗錢low" xpp 我d理論幾勁 haha 佢又受 - -

>>
第一日咁就過左 仲有16日喳 但係我好似得5日係唔駛出街 bio miss話要用7成時間溫書 我諗我要努力濟d時間出黎之得 壓力大到令我吃不消

christmas service

今日返8點半 放10點半 點知因為個崇拜去到10點1 所以11點半先放 但係bk左k房11點3架ma-0- 個崇拜D歌個樹根同d老師係度唱 個刻個感覺係勁似報佳音架 xppp 之後d人係度英詩朗誦 完全唔知佢讀緊d咩 淨係聽到"the hairy toe where's my hairy toe" 得一句 好悶 之後聽人講信主經過 第一個講得ok啦 第二個自己講到喊=0= 不過我都係頂唔順 訓左陣 xDDD 仲要頒獎.__. 幾經辛苦先完 坐到屎忽痛呀 - -

>>
上到去 eng miss 送左個thomas 生日蛋糕黎呀 勁好人呀 仲有2盒merci 朱古力呀 xppp 阿波係萬寧買左十份禮物呀 好想要m&m's 既公仔 呀 不過我覺得個價錢唔值呀= = 玩左3個game 第一個拍chair 好刺激 janet monette ding玩到跌底左 成個流程都好好笑 第二個大風吹 唔錯唔錯 第三個 係扑傻瓜 好搞笑 因為taco 輸左 搞到俾人玩 xDD


>>

完左之後即刻去neway 哈哈 唱到把聲沙左 = = d男仔係隔離房 佢走過黎唱歌 之後我地又走番去佢地間房唱歌 唱到好high 好好笑 之後我同大佬霸佔佢地間房 xppp 後尾佢地番黎 我同大佬點都唔走 係咁唱歌 xpp 最尾一齊唱 唱到完 xDDD 唱完K去左影貼 部機好有問題呀 搞到張相唔夠分 之後我同janet dingding 行左陣街就走lu 點知係商務又撞到haydee hea多陣先 點知係火車站又見到一對pair 吹左陣就走lu

痛

點解得女仔先有le d 架?? 仲要勁痛 今日痛到我抽筋 pe 堂 要跑學校出面一個圈 我跟住同ar sir講" m痛呀.. 跑唔到呀"" 點知佢竟然叫我照跑 佢仲要係度笑 -0- 所以我係最終行左一個圈架 成為全班最慢個4個女仔 xppp 上pe堂個時要放財物 佢諗住閂埋個蓋 跟住我話我未放呀 xDDD 我行埋佢放底佢冇啦啦唔好嬲 = = 我話 下 嬲咩呀? TACO話佢講之前sport day 淋到病 我話 哦 我都唔記得左tim xp 雖然早兩日我仲係度鬧緊佢 但係我已經唔記得哂lu xDD 我真係唔識嬲人=0= 個時已經唔係最痛 lunch之後痛到腰都伸唔直 之前都未試過 我隔離個個問咩痛 我話痛d你地冇既野 佢話真係會痛既咩?! 我真係唔知應該點答佢好=0= 前面個都好無奈 我同阮講啦 點知陳生話你m痛呀? 我話係呀 佢話我真係自豪呀 冇得痛 個刻好想打佢呀xDDD 本身諗住放學做唔到GYM架啦 點知又冇咩野啦wor 最神奇係我一做完即刻又痛番.__. 明玩野呀-0-


>>
係商務度買左pp同exercise 我好有決心呀 xppp 番黎搭車個時 我挨左係輪胎位個度 有個大陸婆挨左係我右邊 我明明得番一半位 == 之後黎多個大陸婆 我拉住架車仔企係我前面 企到勁埋 又要踩到我 又到撞到我 仲要唔講對唔住 逼鬼住哂 真係好想打佢呀
我真係好憎d大陸人呀!!! 一d禮貌都冇!!!


溫書書先 =)

醒覺

因為師兄既說話 因為 樺既說話 令我真正醒覺 你停步時人地一樣進步 le一刻便成為落後 不再同步 我唔可以浪費le 一年既時間 因為所有人既焦點再次放係我身上 如果我再令到你地每一位失望 我唔可以肯定我究竟仲可唔可以企番起身 我驚我一跌不起

感冒

我發覺我真係一個月見佢一次 次次都190蚊 -0- 不過問醫生拎既手指餅真係好好味架xDDD 出面搵唔到架 xppp 我ar ma話俾百幾蚊去食條手指餅-0- 哈哈 不過上個幾次都冇今次咁辛苦呀 佢明明係冇再發燒 但係佢冇啦啦又再發過 雖然都係37點幾度 但係佢都足以令我要取消 我本身諗住今日冇咁辛苦 冇再發燒就去行山 點知 仲係咁辛苦 食左氣管藥 搞到心悸手震 成個人都集中唔到 唉 雖然聽日好唔切 但係我係下個星期六之前一定要好番呀 如果唔係點陪婆婆去旅行呢 = = 點解我要病wor 仲要一個月一次 再係咁 我點捐血呀-0-

end of sports day

第一年做helper 好後悔做 做到腰骨痛=0= 好辛苦 ar sir仲要點我地話好嘆 點知咁鬼辛苦又要日曬雨淋 不過好彩冇出太陽 淨係係咁落雨 搞到好凍 今次sports day可以拎到一塊金牌 亦因為盡忠職守 所以兩日都係咁淋雨 結果病埋 仲要發燒 不過我好似想挑戰自己極限 雖然辛苦到我就黎訓底咁 但係我都唔去睇醫生 -0- 番黎個時量過都係得38.3度 都未到39 都未算高燒啦 xDD 真係頂唔順最多都係訓底既'o者xpp 我好驚我好唔切呀 如果未好既話 我ar ma一定唔俾我行山 快d係星期日之前好番呀

中學生涯

小時候已經聽人說中學的生涯是最開心﹐最自由的。當時不禁想：為什麼呢？大學比中學更「高級」﹐不是應該更開心嗎？成年時候可以買不同的禮物給自己﹐不是應該更自由嗎？

到了大學﹐特別是二年級﹐終於明白為什麼中學是最自由﹐最開心....

相信這是基於中學可以做很多想做的事﹐而必須要做的卻很少....應該說是人生中相對較少...

為什麼呢？

幼稚園或更早期的生活就不用多說了﹐什麼都不知道﹐更不用說知道何謂自由和快樂了....

小學時期﹐不想做但必須要做的是功課。每天都有堆積如山的功課﹐放學後不是去打波﹐行街﹐而是回家做功課。為什麼必須要做呢？因為不做功課﹐便會嘗到父母的「蕂條炆豬肉」了。但有誰會認為做功課是開心的呢？

中學時期﹐不想做但必須要做的是.....想不到....功課嗎？別玩了﹐欠交便記缺點吧！到了中學﹐已經不太介意是否有缺點了(對部份人而言) 會考/高考嗎？雖說是父母對自己的期望﹐但只是想「考不到便出來工作﹐有什麼大不了。」對老師亦不太畏懼﹐因此不交功課彷彿振振有詞。所以中學很少有什麼是必須要做但不想做的事。亦因此上堂不聽書﹐放學後書包便棄置一旁﹐到球場比賽要緊。

到了大學﹐的確﹐時間表由自己訂﹐想返便返﹐不想返亦可抱頭大睡(雖然有其代價) 但必須做的事應該是不同的project吧！特別是該死的project總是堆在學期末﹐但總不能不交吧....因此整個大學生涯學到的便是如何通宵趕deadline。因此大學亦有不想做但必須要做的事。

那麼工作便是最開心﹐最自由嗎？錯了！上司的指令不用說吧﹐還有同事間的爭奪﹐一個接一個的project﹐令每天工作8小時變成每天工作10小時(或更多)。

所以我認為中學是最開心的時候了！沒有什麼必須做但不想做的事﹐所以應該是最開心﹐最自由的人生階段。

你又認為最開心的人生階段是何時呢？

平凡

今日基本上係冇特別 又係一日平凡返學既日子 我好珍惜與你們一起相處的時間 雖然得9個人 得半年度既時間俾我地 但係我地一齊既時候只有歡樂 有唔開心大家又會安慰大家 少人有少人既好處=) 放學返左mst傾行山d野 哈哈 總算差不多完成lu 好期待1213 可以睇日落啦 xDDD 春暉園個足球場棵木棉樹俾人砍左啦 d人話佢病 但係我地見到佢明明好健康 130年啦佢 佢亦都陪左我5年 年年有D棉花飄入黎真係好開心 但係往後冇機會啦 見到D人係咁踞佢 我覺得佢好痛呀 見到佢真係感觸良多 令我明白到有時唔係你想點就點 希望你的後代能夠幫你發揚光大啦 ^^ miss you



>>
岩岩醒起 尋日打羽手球個時我地話要個令d既波 之後佢係個桶度搵啦 點知冇 跟住佢冇啦啦話le個世界冇完美 接受現實啦 我個刻完全唔知可以俾咩反應 咁同我拎波有咩關連呢= = 算啦 我都係哦左一聲就走左去 我覺得好奇怪呢


>>
最好成績既maths test竟然係最後一次 錯左3條 但係3條都係careless mistake呀 >< 如果唔係我full mark啦 加油加油加油

>>
聽日冇啦啦俾人的左去飲 我係超級唔想去呀 咁悶 我不知幾想即刻返屋企之後大覺訓呀 -0-

久違

太耐沒有跑過咁長距離啦 =) 今日本身諗住PE堂係冇野做架ma 點知係圍住學校跑兩個圈 個度有成1公里多 今日戴左個護踭 跑跑下對腳都覺得痛 我仲要著左對nike 真係好重呀佢 我身體好似好多傷咁= = 跑完我蹲左係度 個刻個頭感覺到有好多血衝緊上去 之後個頭好重好熱 但係對手好凍 蹲低起身見頭暈 起身個下係企唔穩架 -0- 我真係好唔鐘意跑步=0= 個種感覺好恐怖 好似就黎暈咁 我好驚死._. 跑完抖左陣 又打羽毛球 打到好激呀xDDD 我係咁殺人 呵呵 我既得分方式xpp janet打完之後同我講 "唔怪之得係隻右手會痛咁耐啦 你下下都咁大力 下下都有聲"哈哈 冇辦法啦 我覺得唔大力打唔好玩ma=) 我終於發現到點樣拉尾龍骨個位啦 拉完真係鬆左d 不過我諗要keep住先得 話哂都痛左4個月 邊有咁快鬆哂wor^^
>>
我第一次見ar 阮m痛痛到咁辛苦 勁白呀個樣 之後校務處d人俾杯熱水佢 但係個個人係落樓梯個陣時行到好似就黎跌咁 我想唔笑架 但係真係忍唔到呀 之後成班女仔係度笑 xppp 今日冇帶飯 為既係肉醬意粉 點知佢竟然賣哂 哼 我聽日都去食 我就唔信食唔到xDD 我仲見到patrick tim呀 不過佢係見我唔到架 我唔走去叫佢佢真係唔知我係佢隔離木台 haha
>>
冇左堂中文堂 睇人表演 "由你話事真人show" 有d野真係好低能 我左右都訓哂 但係我個刻唔知點解一d都唔眼訓wor 睇足全場 但係番上課室上英文堂之後我就好眼訓 我又要做sba啦 仲要係冇得自己揀書呀 佢話只會用recorder 唔駛錄樣 淨係做individual present le間真係好特別 = =
>>
放學留係學校陪阮 之後等埋晞彤 阮用佢既神速 終於完成啦 xDDD LE間學校D人真係好冇禮貌呀 撞到人sorry都冇句 仲要係度睥住哂 我好憎呀 我要離開le間學校升中六 我唔要係le度升呀 太恐怖啦 上學校冇咩點溫到書 由7升到11 我要努力呀 我相信我有能力拎到15分架 1倍分數 雖然真係好多 不過我有信心就得啦 no matter what i have to face i must trust myself 希望你地可以俾到能量我啦 我會加油加油啦 人有進步先有動力 不過 有退步都會有動力 仲要更加大tim
>>
講番尋日先 話就我係紅磡轉西鐵啦 我行緊去第一卡個時架車埋站啦 當架車係我隔離個時突然響安wor 成件事係好正常架 但係個下聲音個dB係勁高 肯定高過噪音 仲要好尖 肯定聽得出個頻率係好高架 我係毫無心理準備底下俾le下聲音嚇到我成個人彈起 嚇死我 完左去左夾糖 好耐未夾過 覺得d糖好似特別好味咁 xpp

我要溫書先啦 我le排講少左電話 可能真係冇時間